Khit Thit သတင်းဌာန၏ ဖေဖော်ဝါရီ ၂၂ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၂၂ ရက် မနက်ပိုင်းတင်ဆက်ပေးမယ့်သတင်းတွေကတော့ -ပဲခူးတိုင်း၊ KNU တပ်မဟာ ၃ နယ်မြေမှာ စစ်ကောင်စီက လက်နက်ကြီးတွေနဲ့ပစ်ခတ်မှုကြောင့် နေအိမ် ပေါ်ကို လက်နက်ကြီး ကျရောက်ပေါက်ကွဲခဲ့တဲ့အတွက် ထမင်းစားနေတဲ့ မိသားစုတစ်စု ကျည်ထိမှန်ကာ မိခင်ဖြစ်သူမှာ နေရာမှာသေဆုံးခဲ့တယ်လို့ KNU ရဲ့ တရားဝင် သတင်းထုတ်ပြန်ချက်အရ သိရပါတယ်။ - စစ်ကိုင်းတိုင်း၊ မုံရွာမြို့ပေါ် ကျောက္ကာလမ်း ဇလုပ်ဝိုင်းပတ်က စစ်တပ် ဂိတ်ကို ဒေသခံ ကာကွယ်ရေး တပ်ဖွဲ့တွေက ပစ်ခတ် တိုက်ခိုက်ခဲ့တယ်လို့ မုံရွာနတ်ဆိုး အထူးကွန်မန်ဒိုအဖွဲ့မှ တာဝန်ရှိသူ တစ်ဦးက ပြောပါတယ်။ - စစ်ကိုင်းတိုင်း၊ ကန့်ဘလူမြို့နယ်အတွင်းက ကျေးရွာ ၃ ရွာကို အကြမ်းဖက်စစ်တပ် မီးရှို့မှု နေအိမ် ၂၄၈ လုံး ပြာကျခဲ့တယ်လို့ ကျွန်းလှ တက်ကြွလှုပ်ရှားသူများအဖွဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - စစ်ကိုင်းတိုင်းအတွင်း အကြမ်းဖက်စစ်တပ် မီးရှို့ဖျက်ဆီးခဲ့တဲ့ ရွာတွေကို S&C အဖွဲ့က နေအိမ် အလုံး ၁၀၀၀ စီမံကိန်းနဲ့ အိမ်ဆောက် လှူတန်းနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
